Ermənistan və Rusiya Azərbaycana gedən dəmir yolunun bərpasını müzakirə edib

İrəvanda Ermənistanın ərazi idarəetmə və infrastruktur nazirinin müavini Armen Simonyan və Rusiya nəqliyyat nazirinin müavini Dmitri Zverev arasında danışıqlar aparılıb.

Avtosfer.az APA-ya istinadən xəbər verir ki, bu barədə Ermənistan Ərazi İdarəetmə və İnfrastruktur Nazirliyindən bildirilib.

Tərəflər Gümrü-Axurik-Türkiyə sərhədi və Yerasx-Naxçıvan sərhədi dəmir yolu infrastrukturunun bərpası və tikintisi ilə bağlı məsələləri müzakirə ediblər.

Avtomobil və hava nəqliyyatı sahəsində mövcud əməkdaşlıq səviyyəsinə də toxunulub və müzakirələrin davam etdirilməsi barədə razılıq əldə olunub.