Fövqəladə Hallar Nazirliyinin (FHN) Dövlət Yanğın Nəzarəti Xidmətinin Qarabağ Regional İdarəsi Füzuli Beynəlxaql Hava Limanında və Zəngilan rayonunun Ağalı kəndində inşa olunan “Ağıllı kənd ” layihəsində çalışan işçilər üçün seminar-müşavirə və maairfləndirmə tədbirləri keçirib.

APA-nın xəbərinə görə, tədbirlərdə qeyd olunub ki, Qarabağ Regional Mərkəzi əməkdaşlarının məqsədi Dövlət Yanğın Nəzarəti Xidmətinin tədbirlər planına uyğun olaraq, tikinti sahəsində çalışan işçilərin işğaldan azad olmuş ərazilərdə yanğın təhlükəsizlik tələblərini yerinə yetirmələrinə nail olmaq, inşa olunmuş tikintilərdə yanğın təhlükəsizliyi qaydaları və meşələrdə baş verəcək yanğınların qarşısını dərhal almaq bacarıqlarını artırmaqdır.Qarabağ Regional İdarəsinin rəisi, polkovnik-leytenant Təyyar Paşayev jurnalistlərə bildirib ki, işğaldan azad olan ərazilərdə uzun illər yaşayış olmadığından əraziləri kol-kos basıb, bu səbəbdəndə bir qığılcım, bir siqaret közü böyü  yanğınlara səbəb ola bilər: “Məqsəd tikinti sahəsinin yanğın təhlükəsizliyi tələblərinə riayət edilməsinə nail olmaq, fəhlə və qulluqçuları əyani vəsait göstərməklə yanğın təhlükəsizizlik qaydaları ilə tanış etməkdir.

Bir məqsədimiz də odur ki, gələcəkdə vətəndaşlarımız öz doğma yurdlarına qayıtdıqdan sonra ictimayi iaişə obyektlərində, yaşayış evlərində yanğın təhlükəsizliyi qaydalarına əməl olunsun”.

Vətəndaşlarımızın təhlükəsiz şəraitdə yaşaması üçün belə tədbirlərin əhəmiyyətindən danışan idarə rəisi qeyd edib ki, bu istiqamətdə fəaliyyət bundan sonar da davam edəcək.

Füzuli Beynəlxalq Hava Limanıda olan FHN-əməkdaşları orada çalışan işçilərə əyani şəkildə yanğının söndürülməsi qaydalarını izah edib, yanğından mühafizə qaydalarından bəhs edən bukletlər paylayıblar.

“Azərbaycan Hava Yolları” Qapalı Səhimdar Cəmiyyətinin əməkdaşı Valeh Əmiraslanov jurnalistlərə açıqlamasında bildirib ki, hava limanının tikintisində istifadə olunan bütün materiallar beynəlxaalq standartlara uyğundur, alova dözümlüdür. V. Əmiraslanov bu kimi maarifləndirmə tədbirlərinin təşkilinin vacib olduğunu vurğulayıb: “Ümumiyyətlə, burada istifadə olunan bütün materiallar beynəlxalq terminallarda isdifadə olunan materiallardır. Materiallar seçilən zaman yanğın təhlükəsizliyi normaları nəzərə alınıb. Eyni zamanda, beynəlxalq standartlara və Azərbaycanın normalarına cavab verən avtomatik yanğınsöndürmə sistemi layihələndirilib, hazırda onun tikintisi davam etdirilir“.