Gəncədəki YDM yük maşını sürücülərini görün necə aldadır - ŞİKAYƏT - VİDEO

Gəncə-Şəmkir yolunda fəaliyyət göstərən “Lykoil” yanacaqdoldurma məntəqəsində yük maşınlarına yanacaq çəninin tutumundan artıq yanacaq vurulduğu iddia olunur. 

Avtosfer.az-ın məlumatına görə, bu barədə sürücülərdən biri sosial şəbəkə hesabında paylaşım edib. O bildirib ki, “Lykoil” yanacaqdoldurma məntəqəsində sürücülər mütəmadi olaraq aldadılır. Belə ki, şikayətçi “MAN” markalı yük maşınınlarının yanacaq çəninin 910 litrlik tutumunun olmasına baxmayaraq məntəqənin göstərici ekranında 951 litrlik benzinin sərf edildiyini göstərib. Daha sonra digər yük maşınlarının yanacaq çənini lentə alan sürücü eyni mənzərənin onlarda da yaşandığını bildirib. İşin acınacaqlı tərəfi isə tutumundan çox yanacaq sərf olunduğu ekranda görünsə də nəqliyyat vasitələrinin çəni tam şəkildə dolmayıb. 

 Sonda şikayətçi ərazidən keçən sürücülərə diqqətli olmalarını və sözügedən yanacaqdoldurma məntəqəsindən istifadə etməmələrini məsləhət görüb. 

Nərmin