General vəzifədən azad edilir: Prorektor olacaq

Ölkənin hərbi prokuroru dəyişidirləndən sonra bu qurumda illərlə çalışmış əksər yüksək rütbəli şəxslər yola salınır. Avtosfer.az "Gununsesi.info"ya istinadən məlumatına görə, vəzifəsini itirmək növbəsi hərbi prokurorun birinci müavini general-mayor Şəfayət İmranova çatıb. Bildirilir ki, yaxın günlərdə Şəfayət İmranovun vəzifəsindən uzaqlaşdırılması barədə əmr elan olunacaq. Bununla belə generala yaxın mənbələr onun artıq özü üçün yeni iş yeri müəyyən etdiyini də deyib. Belə ki, Şəfayət İmranov yaxın zamanlarda Daxili Qoşunların Hərbi İnstitutunda prorektor vəzifəsinə təyinat alacaq.