Gözəllik salonlarında qadınlara arıqlama dərmanı adıyla “patı” satılır - VİDEO

Daxili İşlər Nazirliyinin mətbuat xidmətinin şöbə rəisi, polis mayoru Elşad Hacıyev ARB televiziyasının efirində narkotik vasitələrin dövriyyəsiylə bağlı maraqlı faktlar açıqlayıb. Avtosfer.az-ın məlumatına görə, o bildirib ki, bir neçə gözəllik salonunda qadınlara arıqlama dərmanı adı altında narkotik maddə metanfetamin “patı” satılır. Daxili İşlər Nazirliyinə bir neçə belə fakt daxil olub və faktlar araşdırılıb. Həmin əməlləri törədən şəxslər barəsində tədbir görülüb. Bununla belə DİN rəsmisi bildirib ki, gözəllik salonlarına gedib arıqlama dərmanı adıyla müxtəlif həblər əldə edən şəxslər diqqətli olmalıdırlar. Çünki salonlarda həmin narkotik vasitələri qadınlara verən şəxslər onun narkotik tərkibli maddə olduğu barədə məlumat vermirlər. Nəticədə bir-iki dəfə istifadədən sonra həmin qadınlar “patı”nın aludəçisinə çevrilir.

Sözügedən videonu təqdim edirik: