Güclü külək Zaqatala və Balakəndə elektrik enerjisinin verilməsində fasiləyə səbəb olub

Güclü külək Zaqatala və Balakəndə elektrik enerjisinin verilməsində fasiləyə səbəb olub. Avtosfer.az-ın APA-ya istinadən məlumatına görə, ötən gün axşam saatlarından başlayaraq ölkənin şimal-qərb bölgəsində qeyri-sabit hava şəraiti höküm sürür. Qeyri-sabit hava şəraiti bölgənin Zaqatala və Balakən rayonlarında daha çox müşahidə olunub. İyunun 14-ü axşam saat 22 radələrindən başlayaraq Zaqatala və Balakən rayonları ərazisində güclü külək əsib, leysan yağışları yağıb. Güclü külək hər iki rayonunda bəzi ərazilərdə ağacların budaqlarının qırılmasına səbəb olub, elektrik, rabitə xətlərində qırılmalar və qısaqapanlmalar baş verib. Bu səbəbdən ötən gün axşam saatlarından Zaqatala və Balakən rayonları ərazisinin 80 faiz ərazisində elektrik enerjisinin verilməsində fasilə yaranıb. Dağlıq ərazilərə yağan leysan yağışları səbəbindən Tala, Katex, Balakən və digər dağ çaylarında suyun səviyyəsi xeyli artıb. Gecə saatlarından Zaqatala və Balakən rayonlarının Paşlayıcı Elektrik Şəbəkəsinin əməkdaşları əraziyə ezam olunub, baş vermiş qəzaların aradan qaldırılması istiqamətində işlər aparıblar. Səhər saatlarına əksər ərazilərdə baş vermiş qəzalar aradan qaldırılıb, elektrik enerjisinin verilməsi bərpa edilib. Hazırda hər iki rayonun Paylayıcı Elektrik Şəbəkəsinin əmakdaşları qəzaların tam aradan qaldırılması istiqamətində təmir işlərini davam etdirirlər. Hazırda Zaqatala və Balakən rayonları ərazisində qeyr-sabit hava şəraiti davam edir, fasilələrlə yağış yağır.
Dumanlı havada bu işıqları yandırmaq təhlükəlidir – XƏBƏRDARLIQ
Dağ yollarında avtobuslara məhdudiyyət qoyulmalıdırmı? – EKSPERT AÇIQLADI
Bakının bir sıra yollarında tıxac yarandı
Tramp, Putin və Su Cinpin Çində görüşəcək; nələr müzakirə ediləcək? - POLİTOLOQ
Ağac avtomobilin və ya evin üzərinə aşanda zərəri kim ödəyəcək? – EKSPERTDƏN AÇIQLAMA
Küləkli havada sürücülər nələrə diqqət etməlidir? – MÜTƏXƏSSİS
Küləkdə ölüm və xəsarət olmaması üçün nə edək? – AÇIQLAMA
Həftəyə tıxacla başladıq
İlham Əliyevin sosial şəbəkə hesablarına kiberhücumlar müşahidə olunur
Prezident İlham Əliyev televiziya və radio işçilərini təbrik edib
Prezident İlham Əliyev Mahmud Abbası təbrik edib












