Hansı halda əraziyə yeni marşrut xətti verilir? - RƏSMİ CAVAB

Mütəmadi olaraq Bakıda yeni marşrut xətləri istifadəyə verilir və ya mövcud xətlər dəyişdirilir.

Bəs görəsən bu hansı meyarlar əsasında həyata keçirilir?

Avtosfer.az “Baku.ws”ə istinadən xəbər verir ki, məsələ ilə bağlı Azərbaycan Yerüstü Nəqliyyat Agentliyinin mətbuat xidmətindən bildirilib ki, marşrut şəbəkəsinin optimallaşdırılması və sakinlərin rahat gediş-gəlişinin təmin edilməsi məqsədilə sərnişin tələbatına uyğun olaraq yeni marşrutların təşkili və ya mövcud marşrutların hərəkət sxeminin dəyişdirilməsi istiqamətində AYNA tərəfindən mütəmadi olaraq təhlillər aparılır.

"Müntəzəm sərnişindaşıma marşrutlarının təşkili zamanı sərnişin tələbatı ilə yanaşı yol infrastrukturu, ərazinin relyefi, avtobusların təhlükəsiz hərəkəti və manevr imkanları, o cümlədən geriyədönmə manevri üçün əlverişli şərait nəzərə alınır. Eyni zamanda, vətəndaşların müraciətləri əsasında da ərazilər təhlil edilir. Bu zaman qeyd olunan şərtlər təmin edildiyi təqdirdə marşrutun təşkili istiqamətində müvafiq addımlar atılır".