İcra Hakimiyyəti qoydu, restoran rəhbərliyi sökdü

Bakı Şəhər İcra Hakimiyyəti tərəfindən şəhərdə maşınların dayancağı üçün quraşdırılan parkomatlardan biri sökülüb. Avtosfer.az milli.az-a istinadən xəbər verir ki, icra hakimiyyətinin Xüsusi Təyinatlı İdarəsi tərəfindən M.Abbasov küçəsi 50-nin qarşısında parkomat quraşdırılıb. Həmin parkomat "Planet" şadlıq sarayının qarşısına düşdüyü üçün restoran rəshbərliyi tərəfindən xəbərdarlıq edilmədən sökülüb. Qanunsuz olaraq yerindən çıxarılan aparat yararsız hala salınıb. Bununla da Bakı meriyasına 7400 manat ziyan dəyib.

Faktla bağlı Nizami Rayon Polis İdarəsində araşdırma aparılır.