İcra Hakimiyyətindən yol - Açıqlaması

Lənkəran Şəhər İcra Hakimiyyətindən Avtosfer.az-a verilən məlumata görə, Azərbaycan Respublikasının Prezidenti cənab İlham Əliyevin sərəncamı ilə ayrılmış 3,2 milyon manat vəsait hesabına əsaslı şəkildə yenidən qurulmuş 11,5 km-lik Aşağı Nüvədi-Kənarmeşə-Şürük magistral avtomobil yolu rayonun 12 min nəfər sakininin yaşadığı 8 kəndi birləşdirir. Yol başdan-başa əsaslı təmir olunaraq genişləndirilib və asfaltlanıb. Aşağı Nüvədi-Kənarmeşə-Şürük magistral avtomobil yolu kimi internetdə təqdim olunan görüntü isə Aşağı Nüvədi qəsəbəsinin daxili məhəllərindən birinin torpaq yataqlı ara yoludur.

Əsaslı təmir olunaraq asfaltlanmış Aşağı Nüvədi-Kənarmeşə-Şürük magistral avtomobil yolunun görüntüsünü təqdim edirik.

Qeyd edək ki, kənd sakinləri “Qafqazinfo”ya video göndərərək yolun yararsız vəziyyətdə olduğunu qeyd ediblər. Onlar bildiriblər ki, dövlət başçısı 14 aprel 2015-ci il sərəncamı ilə on üç min nəfər əhalinin yaşadığı 9 yaşayış məntəqəsini birləşdirən həmin yolun tikintisi üçün Lənkəran İcra Hakimiyyətinə 3,2 milyon manat ayırmışdı.

“Qafqazinfo” sakinlərin göndərdiyi yolunun görüntüsünü təqdim edir: