İmtahana gedən məktəblilər dəhşətli qəzaya düşdü: 11 ölü

Türkiyədə dəhşətli yol qəzası baş verib. Avtosfer.az "Doğan" Xəbər Agentliyinə istinadən məlumat verir ki, Van vilayətinin Erciş qəsəbəsində yük maşını ilə mikroavtobusun toqquşması nəticəsində 11 nəfər həyatını itirib. Saat 10:30 radələrində baş verən qəzada daha 6 nəfər ağır xəsarət alıb. Bildirilir ki, qəzada ölən və yaralananların hamısı mikroavtobusda olanlardır. Mikroavtobus Vanın Çaldıran rayonundan mərkəzə gəlirmiş və məktəbliləri imtahana aparırmış.