"İclasda ani bir kiprik vurursan, 10 min axmaq sıraya durub rəy yazır..."

"Bir faydalı kitab haqqında bilgi paylaşırsan, 10 nəfər ağıllı adam tapılmır ki, rəy yazsın. İclasda sadəcə ani bir kiprik vurursan, 10 min axmaq sıraya durub rəy yazır..."

Avtosfer.az Pravda.az-a istinadən xəbər verir ki, bu sözləri Milli Məclisin İctimai birliklər və dini qurumlarla iş komitəsinin sədri Fazil Mustafa deyib.

"Bu, əslində məmləkətimizdə ağıllılarla axmaqların nisbət göstəricisi sayıla bilər...", - o bildirib.

Qeyd edək ki, Prezident İlham Əliyevin VII çağırış parlamentin açılış mərasimində çıxışı zamanı bir qrup deputatın mürgülədiyi zaman çəkilən görüntülər sosial şəbəkələrdə gündəm olub. F.Mustafa da həmin deputatların sırasında görüntülənib.