İlham Əliyev və Nikol Paşinyanın əl sıxması dərin simvolik məna daşıyır - Hikmət Hacıyev

Sülh sözünün böyük hərflərlə yazıldığı fonda Azərbaycan Prezidenti və Ermənistanın Baş naziri əl sıxışıblar. İlk baxışda təsadüf kimi görünən bu detal əslində dərin simvolik məna daşıyır. Bu görüntü regionda davamlı sülhün təşviqi və iki ölkə arasında normallaşma prosesinə verilən siyasi iradənin nümayişidir.

Avtosfer.az xəbər verir ki, bu barədə Azərbaycan Prezidentinin köməkçisi – Prezident Administrasiyasının Xarici siyasət məsələləri şöbəsinin müdiri Hikmət Hacıyev “X” hesabında bildirib.

Hikmət Hacıyev xatırladıb ki, Azərbaycan Respublikasının Prezidenti İlham Əliyev təsisçi üzv kimi “Sülh Şurası”nın ilk iclasında iştirak edir: "Bu iştirak Azərbaycanın postmünaqişə dövründə irəli sürdüyü sülh gündəliyinə sadiqliyinin növbəti təsdiqidir. “Sülh Şurası”nın qurucu sədri kimi çıxış edən Prezident Donald Tramp Azərbaycan–Ermənistan sülh gündəliyinin əhəmiyyətini bir daha vurğulayıb və regionda uzunmüddətli sabitliyin təmin olunması üçün dialoqun davam etdirilməsinin vacibliyini qeyd edib”.