Lənkəranın bərbad küçələri: Sakinlər beziblər - FOTO

Lənkəran şəhərində yaşayan bir qrup sakin redaksiyamıza şikayət ünvanlayıb.

Avtosfer.az musavat-a istinadən xəbər verir ki, Lənkəran sakinləri şəhərin mərkəzi küçələrinin bərbad vəziyyətdə olmasından  gileylənirlər.

Lənkəran şəhərinin mərkəzi küçələrindən birinin bərbad vəziyyətdə olmasını təsvir edən fotoları da redaksiyamıza göndərən şikayətçilərin sözlərinə görə, uzun müddətdir ki, bu yol təmir edilmir: “Daha bezmişik. Belə şey olar? Qışda palçıq, yayda toz-torpaq... Evdən təmiz paltarda çıxırıq, palçıq içində geri qayıdırıq”.

Lənkəran şəhər sakinləri yolların bu durumuna görə məmurları günahlandırırlar: “Çox biabırçı haldır. İnsanlar beziblər. Bu məmur özbaşınalığından biz hara şikayət edək? Dəfələrlə müvafiq qurumlara müraciət etsək də, hər dəfə bir bəhanə ilə bu məsələnin üzərindən keçiblər. Xahiş edirik ki, aidiyyəti orqanlar məsələ ilə maraqlansınlar, bu qədər insanı narazı salmasınlar ”.

Bəhs edilən küçənin fotolarını sizlərə təqdim edirik.