Masazırlılar üçün tıxac dərdi bitir - ŞAD XƏBƏR - FOTO

Ötən gün Masazır sakinlərinin yolla bağlı şikayətini işıqlandırmışdıq.

Avtosfer.az ölkə.az-a istinadən xəbər verir ki, sakinlər Masazırdan Bakıya gələn əsas yol olan Əliağa Vahid küçəsində isə hər zaman tıxac yarandığını, alternativ yol olan Ziya Bünyadov küçəsinin isə təmirsiz olduğunu bildirirlər.

Qeyd olunurdu ki, Xırdalan-Novxanı yolundan Masazır qəsəbəsinə gedən Ziya Bünyadov küçəsi təmir edilərsə, bu, sürücülərin yolunu qısalda və tıxacda keçirilən saatları azalda bilər.

Abşeron Rayon İcra Hakimiyyətindən bildirilib ki, bu il asfaltlanma işləri planda nəzərdə tutulub: “Hazırda Masazır dairəsinin rekonustruksiya olunması ilə bağlı layihə müzakirə olunur. Bundan əlavə bu ilin Tədbirlər Planında da Ziya Bünyadov küçəsinin asfaltlanması nəzərdə tutulub”,- deyə cavabda bildirilib.