Maşın bazarında qiymətlər necədir? - VİDEO

Avtosfer.az ttv-yə istinadən xəbər verir ki, Tovuzun maşın bazarında son günlər canlanma müşahidə edilir. Satışa çıxarılan avtomobillərin arasında daha çox sovet istehsalı olan nəqliyyat vasitələri üstünlük təşkil edir. Səbəbsə onların xarici maşınlara nisbətən daha az yanacaq işlətməsidir. Həm də ehtiyat hissələri daha asan tapılır. Hərçənd ki, alıcıların seçim etməsi üçün kifayət qədər maşın növləri sıraya düzülüb, satıcılar satış səviyyəsinin aşağı düşməsindən şikayət edirlər. Gəlin bir az da bunun niyə baş verdiyinə diqqəti yönəldək...

Bazara maşın gətirənlər real müştəri qıtlığının olduğunu deyirlər. Həm alıcıları, həm də satıcıları birləşdirən ortaq məqam var. Hər ikisi  qiymətdən narazıdır. Maşın arzusunda olanlarsa qiymətlərin bahalığından daha çox şikayətçidirlər.

Alıcıların tələbləri böyükdür. Onlar avtomobilləri təklif olunan qiymətdən ucuz almaq istəyirlər. Həm də sərfəli, yanacağa qənaətli olan, ehtiyat hissələri tez tapılan nəqliyyat vasitələrini əldə etməyə çalışırlar.