Maşınını satdığı şəxs tərəfindən döyüldü

Gəncə şəhər sakini döyülüb. Avtosfer.az APA-ya istinadən xəbər verir ki, şəhər sakini, 1982-ci il təvəllüdlü Əli Əzizov bədənin müxtəlif hissələrinin əzilməsi xəsarətləri ilə Gəncə şəhər Təcili Tibbi Yardım xəstəxanasına yerləşdirilib. Ona tibbi yardım göstərilib, vəziyyətinin orta ağır olduğu bildirilir. Ə.Əzizovun deməsinə görə o, bir neçə gün əvvəl avtomobilin satdığı şəxs tərəfindən döyülüb.

Faktla bağlı hüquq mühafizə orqanları tərəfindən araşdırma aparılır.