Metro qarşısında ürəyi getdi

Bakıda metronun “İçərişəhər” stansiyasının qarşısında bir nəfərin ürəyi gedib. Avtosfer.az milli.az-a istinadən xəbər verir ki, metronun "İçərişəhər" stansiyasının qarşısında ortayaşlı bir qadının halı pisləşib. Qadına ətrafdakılar kömək etməyə çalışsalar da, onun halı daha da pisləşdiyindən stansiyaya Təcili Tibbi Yardım briqadası çağırılıb. "Bakı Metropoliteni" QSC-nin mətbuat xidməti və ictimaiyyətlə əlaqələr şöbəsinin rəisi Nəsimi Paşayev bildirib ki, bu gün "İçərişəhər" stansiyasının içində kiminsə halının pisləşməsi faktı qeydə alınmayıb və bunə görə həkim briqadası da çağırılmayıb.

Bakı şəhər Təcili və Təxirəsalınmaz Tibbi Yardım Stansiyasından isə deyiblər ki, hadisə metronun "İçərişəhər" stansiyasının qarşısında baş verib. Bildirilib ki, 45-50 yaşlarında olan qadına lazımi tibbi yardım göstərildikdən sonra yaxınlarının müşayiəti altında evinə buraxılıb.