Metroda «Qadınlar arxa vaqona minsin» kampaniyasına - Reaksiya verildi 

Sosial şəbəkə istifadəçiləri arasında yeni başlanan kampaniyaya Bakı Metropolitenindən münasibət bildirilib. Qurumun mətbuat xidmətinin rəhbəri Nəsimi Paşayevin baku.ws-ə verdiyi məlumata görə, əgər sərnişinlər arasında belə bir aksiya başlayarsa, metropoliten rəhbərliyi tərəfindən bununla bağlı heç bir qadağa olmayacaq. "Metro hər kəsin üzünə açıqdır. Sərnişinlər istədikləri qatara minə bilərlər. Təki maşinist üçün ayrılan kabinəyə girməsinlər. Qatarda gedərkən qocalar, əlillər və hamilə qadınlar üçün nəzərdə yerlərdə oturmasınlar. Bir-birilərinə qarşı diqqətli olsunlar”, - deyə Nəsimi Paşayev bildirib.