Metroda qızın döyülməsi xəbərinə RƏSMİ REAKSİYA - YENİLƏNİB

Bu gün metronun "Elmlər Akademiyası" stansiyasında qızın döyülməsi xəbəri ilə bağlı metropoliten açıqlama verib. Avtosfer.az xəbər verir ki, bu barədə "Bakı Metropoliteni" QSC-nin Mətbuat xidməti və ictimaiyyətlə əlaqələr şöbəsinin rəisi Nəsimi Paşayev milli.az-a açıqlamasında bildirib ki, bu gün sözügedən stansiyada heç bir neqativ hadisə baş verməyib:  "Yayılmış xəbəri elə bu dəqiqə yerindəcə araşdırdım. "Elmlər"də çalışan işçilərimiz və həmçinin polislər bildiriblər ki, səhər tezdən stansiyada hansısa bir hadisə baş verməyib. Yayılmış xəbər reallığa uyğun deyil". 

-----------

15:26

Bu günorta saat 13 radələrində Bakı metrosunun Elmlər Akademiyası stansiyasında insident baş verib. Avtosfer.az xəbər verir ki, cebhe.info-nun hadisə yerində olan əməkdaşının sözlərinə görə, insident gənc qızla oğlan arasında baş verib. Sərnişin sıxlığı səbəbindən qatardan düşmək çətinləşib və gənc qız ona yol verməyən oğlandan kənara çəkilməyi xahiş edib.

Ancaq oğlanın əsəbi reaksiyası ilə qarşılaşıb. Bundan sonra oğlan hətta qıza hücum edərək ona şillə vurub. Qatar bələdçisi və perrondakı sərnişinlər dalaşan gəncləri ayırıb.

Qız isə onu vuran oğlandan şikayətçi olacağını bildirib.