Naxçıvan Səhiyyə Nazirliyinə 52 yeni təcili yardım maşını təhvil veriləcək - FOTO

Naxçıvan Muxtar Respublikası (MR) Səhiyyə Nazirliyinə bu ilin ilk yarısında 52 yeni təcili yardım avtomobili təhvil veriləcək.
Avtosfer.az xəbər verir ki, bunu Naxçıvan MR-in səhiyyə naziri Samiq Sadıxov deyib.
O bildirib ki, Naxçıvan Muxtar Respublikasının sosial-iqtisadi inkişafına dair 2023-2027-ci illər üçün Dövlət Proqramı çərçivəsində MR-də səhiyyə sahəsində bir sıra mühüm yeniliklər həyata keçirilib, Təcili Tibbi Yardım briqadalarının yaradılması və maddi-texniki təminatın artırılması diqqət mərkəzində olub. Bu sahədə atılan addımlar arasında təcili tibbi yardım xidmətinin proqram təminatının formalaşdırılması və istifadəyə verilməsi xüsusi yer tutur.

S.Sadıxov qeyd edib ki, 2024-cü ildə təcili tibbi yardım briqadalarının sayını artırmaq və maddi-texniki təminatını daha da gücləndirmək məqsədilə 52 yeni təcili yardım avtomobili alınması ilə bağlı satınalma müsabiqəsi həyata keçirilib və müqavilə bağlanılıb. Bu avtomobillərin 2025-ci ilin ilk yarısında təhvil verilməsi nəzərdə tutulub. Bu da təcili yardım xidmətinin daha sürətli və effektiv fəaliyyət göstərməsini təmin edəcək.
Nazir bildirib ki, dövlət proqramı çərçivəsində həyata keçirilən ən böyük layihələrdən biri də Ailə Sağlamlıq Mərkəzlərinin yaradılmasıdır. Ali Məclis sədrinin fərmanı ilə 32 Ailə Sağlamlıq Mərkəzi (ASM) yaradılıb və bu mərkəzlərin maddi-texniki təminatı məqsədilə müvafiq satınalmalar həyata keçirilib.
Orta Dəhlizin inkişafı Azərbaycanın tranzit imkanlarını necə dəyişəcək? – AÇIQLAMA
Ölkənin nəqliyyat sistemi növbəti yağışlara necə hazırlaşmalıdır? - AÇIQLAMA
Gürcüstanda avtomobil rüsumları artırılır: Azərbaycan bazarına təsiri necə olacaq? - AÇIQLAMA
Təcili yardımın arxası ilə gedən sürücülərə DİN-dən XƏBƏRDARLIQ - VİDEO
Səkilərdə piyadaların maneəsiz hərəkəti necə təmin edilməlidir? – TƏKLİF
Bu yollarda tıxac var - Sürücülərin NƏZƏRİNƏ!
İlham Əliyev Gürcüstanın baş nazirinin müavinini qəbul edib - FOTO
“Bədr müqaviləsi” ABŞ-ın hərbi sənaye bazarındakı mövqelərini zəiflədə bilər – POLİTOLOQ
Prezident Özbəkistanla iki sənədi təsdiqlədi
Dumanlı havada bu işıqları yandırmaq təhlükəlidir – XƏBƏRDARLIQ
Dağ yollarında avtobuslara məhdudiyyət qoyulmalıdırmı? – EKSPERT AÇIQLADI












