“Nəqliyyatın İntellektual İdarəetmə Mərkəzi yol polisinə verilsin” – DEPUTATLARDAN TƏKLİF

Bu gün Milli Məclisin iclasında Hüquq siyasəti və dövlət quruculuğu komitəsinin sədri Əli Hüseynli maraqlı təşəbbüslə çıxış edib. Avtosfer.az-ın məlumatına görə, millət vəkili Nəqliyyatın İntellektual İdarəetmə Mərkəzinin daxili işlər orqanlarına verilməsini təklif edib: “Azərbaycanda yol hərəkəti təhlükəsizliyinin təmin edilməsi Dövlət Yol Polisinin, yəni daxili işlər orqanlarının səlahiyyətindədir. Bu gün Nəqliyyatın İntellektual İdarəetmə Mərkəzi büdcədən əlavə xərclərə səbəb olduğuna və müəyyən qədər yol hərəkətinin təhlükəsizliyilə bağlı məsələlərlə məşğul olduğuna görə daxili işlər orqanlarına verilməldir. Ona görə də hesab edirəm ki, hökumət bu məsələyə baxmaldır. Büdcə vəsiatlərinə qənaət etmək üçün Nəqliyyatın İntellektual İdarəetmə Mərkəzi daxil işlər orqanlarına verilməldir”. 

Millət vəkili Adil Əliyev də deputat həmkarının təklifini dəstəkləyib: “Bəzən yol polisindən işıqforun yanmamasını soruşanda deyirlər ki, bu səlahiyyət bizdə deyil. Həmin anda da NİİM-ə zəng etmək çətin olar. Yaxşı olardı ki, bu qurum Daxili İşlər Nazirliyinin tərkibinə birləşdirilsin”.

Elmin