Piyada və velosiped yollarına 100 milyon avro sərmayə qoyulacaq

Litva bir neçə il ərzində piyada və velosiped yolları şəbəkəsinin inkişafına 100 milyon avro sərmayə qoyacaq. Bu barədə ölkənin "LRT" milli radiosu məlumat yayıb.

Bildirilib ki, bu vəsait 25 mindən çox əhalinin yaşadığı 18 bələdiyyəyə veriləcək.

“Nəqliyyat və Rabitə Nazirliyi 2027-ci ilə qədər piyada və velosiped yollarının infrastrukturunun inkişafı üçün Avropa fondlarından 100 milyon avro ayırmaq qərarına gəlib”, - deyə məlumatda deyilir. Litvada velosiped yolları şəbəkəsi təxminən 3 min km-dir. 2035-ci ilə qədər bu yolun 5 min km-ə çatdırılması planlaşdırılır. (İqtisadiyyat.az)