Polis Bakı Avtovağzalını nəzarətə götürdü: Bu səbəbə görə - RƏSMİ AÇIQLAMA

İki gün əvvəl Bakı Beynəlxalq Avtovağzal Kompleksinin (BBAK) qarşısında hər hökm sürən xaosla bağlı məlumat vermişdik. Bildirlmişdi ki, Beynəlxalq Avtovağzalın qarşısında demək olar ki, hər gün qanunsuz sərnişindaşıma prosesi baş verir və bunun qarşısını almaq qəliz bir məsələyə çevrilib. Şəxsi avtomobillərini harada gəldi saxalayan sürücülər müştəri yığmaq üçün baqajı açaraq gedəcəklərin rayonların adı yazılmış lövhələr asırlar və müştəri gözləyirlər. Nəticədə Biləcəri dairəsinə daxil olmaq, dairədən Avtovağzala doğru hərəkət etmək çətinləşir.

Məsələ ilə bağlı Avtosfer.az-a açıqlama verən Daxili İşlər Nazirliyinin Mətbuat Xidmətinin əməkdaşı Nurlan Əliyev bildirib ki, polis əməkdaşları ərazidə xidmət aparır. “Qanunsuz sərnişindaşımanın qarşısı tam alınana və ərazidə qanunvericiliyin tələbləri bərpa olunana qədər polis xidmətini davam etdirəcək. Qanunsuz sərnişindaşıma ilə bağlı fəaliyyətin qarşısı alınıb və nəzarət tədbirləri davam edir. Hazırda ərazi polis tərəfindən nəzarətə götürülüb.”

Orxan