Polis əməkdaşlarına atəş açan şəxsin məhkəməsi başlayıb

Bu gün Bakı Ağır Cinayətlər Məhkəməsində polis əməkdaşlarını öldürməyə cəhddə təqsirləndirilən 1989-cu il təvəllüdlü Elvin Məmmədovun cinayət işi üzrə məhkəmə prosesi başlayıb. Avtosfer.az "report"a istinadən xəbər verir ki, hakim Eldar İsmayılovun sədrliyi ilə keçirilən prosesdə təqsirləndirilən və zərərçəkən polis əməkdaşlarının anket məlumatları dəqiqləşdirilib.

Məhkəmənin baxış iclası oktyabrın 27-nə təyin edilib.

Qeyd edək ki, Elvin Məmmədov əvvələr oğurluq hadisəsi törətdiyi üçün Səbail Rayon Məhkəməsinin qərarı ilə 3 il 11 ay 28 gün müddətinə şərti cəza alıb. Hökmlə razılaşmayan prokurorluq protest verib. Bakı Apellyasiya Məhkəməsinin qərarına əsasən onun barəsində seçilmiş şərti cəza həbs qətimkan tədbiri ilə dəyişdirilib.

E.Məmmədovun daha bir cinayət əməli də aşkarlanıb. Belə ki, o, yeni bir cinayət törətmək istəyərkən Bakı Şəhər Baş Polis idarəsinin əməkdaşları əməliyyat keçirib. Bu zaman o, odlu silahla polislərə müqavimət göstərərək atəş açıb. E.Məmmədov hadisə yerindən qaçıb.