Polislər pusquya düşdü: Ölənlər və yaralananlar var

Əfqanıstanın şərqindəki Nanqarhar əyalətində radikal “Taliban” silahlılarının hücumu nəticəsində azı altı polis əməkdaşı öldürülüb.

Bu barədə “RİA Novosti” yerli mənbəyə istinadla bildirib.

Məlumata görə, yerli polis qüvvələri Batikot dairəsində taliblər tərəfindən pusquya salınıb.

Nəticədə, komandir də daxil olmaqla, altı polis zabiti həlak olub, dördü isə yaralanıb.