Qadının avtomobilindən pul oğurlayan iki nəfər tutuldu

Bakının Nərimanov rayonunda qadının avtomobilindən oğurluq edənlər yaxalanıb. Avtosfer.az teleqraf-a istinadən xəbər verir ki, Nərimanov Rayon Polis İdarəsinin 18-ci polis bölməsi əməkdaşlarının həyata keçirdikləri əməliyyat-axtarış tədbirləri nəticəsində Lənkəran rayon sakini Anar Məcidov və Bakı şəhər sakini Natiq Kərimli tutulublar. Onlar oktyabrın 30-da Leyla Həsənovaya məxsus “KİA” markalı avtomobildən içərisində 300 manat, sənəd və kosmetik əşyalar olan çantanı oğurlayıblar.