Qaz limiti artırılacaq? - RƏSMİ CAVAB

Məclisin İqtisadi siyasət, sənaye və sahibkarlıq komitəsinin sədr müavini Azər Badamov bildirib ki, dağlıq rayonlarda qazın limiti məsələsinə yenidən baxılmalıdır. Deputat qeyd edib ki, dağlıq rayonlarda qazdan istifadə daha çoxdur. Burada yaşayan sakinlər digər regionlardan daha çox yanacaq yandırmağa məcburdurlar. Ölkəmizdə qaz limitinin artılması gözlənilirmi?
Avtosfer.az xəbər verir ki, bu məsələ ilə bağlı Referans.az-ın suallarını cavablayan “Azəriqaz İstehsalat Birliyi” -nin İctimaiyyətlə əlaqələr şöbəsinin rəisi Eldəniz Vəliyev bildirdi ki, ümumiyyətlə qaz limitləri və qiymət tarifləri ilə bağlı suallara cavab vermək bizim birliyin səlahiyyətində deyil. “Azəriqaz İstehsalat Birliyi” sadəcə olaraq bir xidmət qurumudur. Həmçinin bu quruma təqdim olunan qaydalar əsasında öz xidmətini təşkil edir. Buna görə də bizim müəssisə heç bir halda qiymətlərlə bağlı hər hansısa bir mövqe ortaya qoymur. Bir daha qeyd etmək istərdim ki, bizim qurum sırf qaz təchizatı ilə bağlı xidmətləri həyata keçirir.
Sözügedən mövzu ilə əlaqədar olaraq Tarif Şurasına müraciət ünvanladıq. Tarif Şurasından Referans.az -ın sorğusuna cavab olaraq məlumat verildi ki, bəzən əhali arasında qaz limitinin artırılması və ümumi qiymətlərin artacağı ilə bağlı fikirlər səsləndirilir.
“Lakin konkret olaraq hələlik ölkədə qaz limitinin artırılması və qiymətlərlə bağlı heç bir məlumat yoxdur. Əgər bununla bağlı bir məlumat olarsa Tarif Şurası tərəfindən ictimaiyyətə geniş məlumat veriləcəkdir”,- deyə Tarif Şurasından bildirilib.
2026-cı ilin 9 ayında büdcədə yaranan profisiti növbəti ilin kəsrinə yatırmaq olar? - RƏY
Magistralların kəsişdiyi nöqtə: Xırdalan dairəsində niyə tıxac yaranır? – ARAŞDIRMA
Prezident Hanoyda “İnqilab şəhidləri” abidəsini ziyarət etdi - FOTOLAR
Tıxac olan yolların SİYAHISI
İlham Əliyevin Vyetnama rəsmi səfəri ilə bağlı VİDEOÇARX - VİDEO
İndiyədək neçə avtomobil utilizasiyaya verilib? - AÇIQLAMA
İlham Əliyev Vyetnama rəsmi səfərə gedib - FOTO
Azərbaycanda 21 yeni peşə məktəbi hansı ərazilərdə tikiləcək? – AÇIQLAMA
Bakıda avtobuslar üçün yeni svetofor sistemi: Nə dəyişəcək? – AÇIQLAMA
Rayon yollarında təhlükə yaradan 3 əsas amil hansılardır? – MÜTƏXƏSSİS
Bu yollarda tıxac var - SİYAHI












