Quru təmizləmə şirkətinə obyektin ölçülərini artırmasına kim icazə verib? - FOTO

Bakıda səki obyekt sahibi tərəfindən özəlləşdirilib.

Avtosfer.az xəbər verir ki, paytaxtın Nəsimi rayonunda şəhərin bir neçə küçəsində filialı olan şirkətlərdən biri səkini zəbt edib. Obyektin nəzərdə tutulmuş ərazisindən kənara çıxmaqla binanın görünüşünə zərər vurmaqla bərabər, piyadaların hərəkət etdiyi ərazinin də daralmasına səbəb olub.

Belə ki, Dilarə Əliyeva küçəsi, Azərbaycan Dövlət Neft və Sənaye Universitetinin arxasında yerləşən AGNA Quru Təmizləmə şirkətinə məxsus obyekt girişə artırdığı hissə ilə səkini zəbt edib. Bununla yanaşı, dövlətin COP29-la əlaqədar gördüyü işlərin qarşılığında şirkətin artırdığı hissə ilə binanın arasındakı küncə təmizlik vasitələri yerləşdirməyi şəhərin imicinə də mənfi təsir edir.

Fotolar sosial şəbəkələrdə müzakirələrə səbəb olub. İstifadəçilər bu cür halların adiyyəti qurumlar tərəfindən tezliklə aradan qaldırılmasını tələb edir.

Səfər