Rusiyanın bu şəhərində miqrantlara taksi sürücüsü kimi işləmək qadağan edildi

2025-ci ilin sonuna kimi əcnəbilərin Sankt-Peterburqda taksi sürücüsü işləməsi qadağan edilib. Avtosfer.az "Unikal"a istinadən xəbər verir ki, müvafiq sərəncamı şəhərin qubernatoru Aleksandr Beqlov imzalayıb. Bu barədə şəhər administrasiyasının mətbuat xidməti məlumat yayıb. “Sankt-Peterburq ərazisində sahibkarlıq subyektləri üçün OKVED-in müəyyən növləri üçün patent əsasında əmək fəaliyyətini həyata keçirən xarici vətəndaşların işə götürülməsinə qadağa qoyulur”, - nəşr yazır.

Şəhər rəhbərliyinin bu qərarı taksi xidmətlərinin keyfiyyətini və təhlükəsizliyini artırmaq, habelə Rusiya vətəndaşları üçün əlavə iş yerləri yaratmaq məqsədilə qəbul etdiyi bildirilir. Sahibkarlar üçün üç aylıq keçid dövrü müəyyən edilib ki, bu da əcnəbilərlə mövcud əmək münasibətlərinə xitam verməyə və yeni işçilər seçməyə imkan verəcək. Administrasiya əlavə edib ki, müvəqqəti məhdudiyyət onlara qadağanın sosial-iqtisadi nəticələrini qiymətləndirməyə və onun uzadılması barədə qərar verməyə imkan verəcək. Fərman dərc edildiyi gündən on gün sonra qüvvəyə minir.