Sabahın hava proqnozu: Qar yağacaq

Noyabrın 1-də Azərbaycanda hava soyuq və yağışlı olacaq. Ekologiya və Təbii Sərvətlər Nazirliyinin Milli Hidrometeorologiya Departamentindən Avtosfer.az-a verilən məlumata görə, noyabrın 1-də Bakıda və Abşeron yarımadasında hava soyuq olacaq. Bəzi yerlərdə yağış yağacaq, gündüz yağışın tədricən kəsiləcəyi gözlənilir. Şimal-qərb küləyi əsasən gecə və səhər arabir güclənəcək, axşama doğru mülayimləşəcək. Həmin gün rayonlarda da arabir yağış yağacağı gözlənilir. Ümumilikdə noyabrın 2-si gündüzə kimi ölkə ərazisində hava qeyri-sabit olacaq. Sabahın hava proqnozuna gəlincə, oktyabrın 31-də Bakı və Abşeron yarımadasında arabir yağış yağacağı gözlənilir. Şimal-qərb küləyi əsəcək, gecəyə doğru arabir güclənəcək.

Havanın temperaturu Bakı və Abşeron yarımadasında gecə 8-10, gündüz 11-13 dərəcə isti olacaq. Azərbaycanın rayonlarında da oktyabrın 31-də arabir yağış yağacağı gözlənilir, bəzi yerlərdə intensiv olacağı ehtimalı var. Dağlıq rayonlarda yağıntının sulu qara, qara keçmə ehtimalı var. Qərb küləyi əsəcək, gündüz ayrı-ayrı yerlərdə arabir güclənəcək.

Havanın temperaturu rayonlarda gecə 7-10, gündüz 10-13, dağlarda gecə 2 dərəcə şaxtadan 2 dərəcəyək isti, gündüz 3-7 dərəcə isti olacaq.