Şəhərin ortasında bahalı avtomobilini səkiyə dırmaşdıran sürücü - FOTO

Paytaxtın səkiləri qanunsuz parklanma yerinə çevrilib.

Avtosfer.az xəbər verir ki, Bakının Yasamal rayonunda sürücülərin səkilərə qarşı etinatsız yanaşması davam edir və nəqliyyat vasitələrinin idarəçiləri avtomobillərini səkiyə qaldırıb parklayır.

Belə ki, Nazim Hikmət və Mirəli Seyidov küçələrinin kəsişməsində, Qəzənfər Musabeyov parkının qarşısında 77-XJ-528 qeydiyyat nişanlı “BMW” markalı avtomobilin sahibi nəqliyyat vasitəsini piyadalar üçün ayrılmış hissədə saxlayaraq ərazidə hərəkətə maneçilik törədib. 

Qeyd edək ki, bu cür qayda pozuntusu törədən sürücülər İnzibati Xətalar Məcələsinin 346.9. maddəsinə əsasən, nizamlama vasitələrində başqa göstəriş nəzərdə tutulmamışdırsa, nəqliyyat vasitələrinin səkilərdə dayanmasına və ya durmasına görə 60 manat məbləğində cərimə edilir.

Hülya