Sərnişinlərin nəzərinə - bu küçələrdə nəqliyyat müvəqqəti məhdudlaşdırılacaq. - FOTO

Bakı Nəqliyyat Agentliyi aparılan yenidənqurma işləri səbəbindən avtomobillərin hərəkəti müvəqqəti məhdudlaşdırılacağı barədə məlumat verib.

Avtosfer.az Agentliyə istinadən xəbər verir ki, məhdudiyyət iyunun 10, 11 və 12-si tarixlərində Suraxanı rayonu, Cəlal Qurbanov və Zaur Şərifov küçələrində tətbiq olunacaq. 

Bu səbəbdən 66 nömrəli marşrutun hərəkət sxemində dəyişiklik edilərək avtobusların hərəkəti birbaşa olaraq Nizami İsmayılov və Yusif Eyvazov küçələri ilə təşkil ediləcək.