Son beş ay ərzində e-qaydada verilən pensiyaların sayı AÇIQLANDI

Son 5 ay ərzində 147 mindən çox pensiya, müavinət, təqaüd təyinatı e-qaydada aparılıb.

Avtosfer.az xəbər verir ki, bu barədə Əmək və Əhalinin Sosial Müdafiəsi Nazirliyi məlumat yayıb. Bildirilib ki, 2022-ci ilin yanvar-may aylarında 147,1 min pensiya, müavinət və təqaüd rəqəmsal infrastruktur üzərindən, proaktiv qaydada təyin edilib. Əmək və Əhalinin Sosial Müdafiəsi Nazirliyi tərəfindən 2019-cu ilin əvvəlindən başlayaraq həmin sosial təminat növlərinin təyinatı elektronlaşdırılıb. İndiyədək 61,4 mini pensiya, qalanı müavinət və təqaüd olan 415,4 min təyinat e-sistem üzərindən proaktiv qaydada aparılıb. Bununla da vətəndaşların sosial təminat növlərinə hüquqları yarandığı halda müraciət olunmadan və sənəd təqdim edilmədən onlara müvafiq təyinatlar e-sistem üzərindən avtomatik həyata keçirilib.