Sürücülər cərimə olunacaq: 40 manat - VİDEO

Yol polisi payız-qış mövsümündə su gölməçələrinin olduğu yollarda sürücüləri nəqliyyat vasitələrini ehtiyyatla idarə etməyə çağırır. Avtosfer.az atv,az-a istinadən xəbər verir ki, sürücülər yağmurlu havada diqqətli olmalı, avtomobili ehtiyatla idarə etməli, sürət həddini elə seçməlidirlər ki, yollardakı palçıqlı su ətrafdakıları çirkləndirməsinlər. Bəzən avtomobil yüksək sürətlə hərəkət etdikdə yoldakı su səki ilə hərəkət edən insanların üzərinə sıçrayır. Əgər bu hal yol polisi əməkdaşı tərəfindən vizual olaraq görünərsə, polis sürücünü saxlayıb barəsində müvafiq tədbir görə bilər. Daha dəqiq desək həmin sürücü 40 manat cərimə olunacaq.