Sürücünün sükan arxasında hoqqabazlığı - VİDEO

Özünü sükan arxasında yox, evində hiss edir. Türkiyənin Sivas şəhərində yük maşını sürücülərindən biri məsuliyyətsizliyi ilə görənləri heyrətləndirib. Avtosfer.az atv.az-a istinadən xəbər verir ki, yayılan görüntülərdə sürücünün sükanı əlləri ilə deyil ayaqları ilə idarə etməsi əks olunub. Həm də uzanaraq. Avtomobillə dolu olan yolda yük maşınını bu cür idarə edən şəxs sadəcə özünün yox,  qəza şəraiti yaratmaqla ətrafdakıların da həyatını təhlükəyə atıb. Yük maşını sürücüsünün rahat davranışları yolda olan digər sürücü tərəfindən anbaan lentə alınıb. Lentə alındığının fərqinə varan sürücü bir anda özünə gələrək yenidən sükanı əlləri ilə tutub və sadəcə gülməklə kifayətlənib.

Qeyd edək ki, izləyicilərin böyük təəccübünə səbəb olan  görüntülər mediada da müzakirə mövzusuna çevrilib. Səs-küyə səbəb olan hadisə qəza ilə nəticələnməsə də sürücüyə qarşı müvafiq qurumların tədbir görüləcəyi istisna edilmir.