Tanınmış müğənni avtomobil qəzasına düşdü

Tanınmış müğənni, “Xalq ulduzu” yarışmasının iştirakçısı Səbirə Kazımova avtomobil qəzasına düşüb. “Qafqazinfo” xəbər verir ki, qəza Biləsuvarda baş verib. Hadisə baş verən an maşında müğənni ilə yanaşı kürəkəni də olub. Avtomobil rayonda “Beko Mübariz” adıyla tanınan bir şəxsin mağazasına girib. Nəticədə mağazada satıcı işləyən qız ağır xəsarət alıb, onun ayaqları sınıb. Səbirə Kazımova və kürəkəni də yaralanaraq rayon xəstəxanasına yerləşdiriliblər. Onların vəziyyətinin orta-ağır olduğu bildirilir.

Qeyd edək ki, müğənninin qızının toyu bir neçə gün əvvəl olubmuş.