Təcili yardım əməkdaşları 17 yaşlı gənci ölümdən xilas etdi - FOTO

İyulun 20-si saat 18:30 radələrində Xəzər rayonu Mərdəkan çimərliyi ərazisində suda boğulma hadisəsi baş verib.

Avtosfer.az xəbər verir ki, bu barədə Respublika Təcili və Təxirəsalınmaz Tibbi Yardım Mərkəzinə çağırış daxil olub və dərhal təcili tibbi yardım briqadası hadisə yerinə cəlb olunub.

Hadisə yerində 17 yaşlı (kişi cinsli) pasiyent huşsuz vəziyyətdə olub, heç bir həyat göstəricisi müşahidə olunmayıb. Pasiyentə dərhal reanimasiya tədbirləri, o cümlədən ürək-ağciyər reanimasiyası (CPR) tətbiq edilib.

Reanimasiya tədbirləri nəticəsində nəbz və tənəffüs bərpa olunub, ağız boşluğu sanasiya edilib, oksigen terapiyası aparılıb.

Görülən vaxtında və peşəkar tibbi müdaxilə nəticəsində pasiyentin həyati funksiyaları bərpa edilib. Onun vəziyyəti stabil hala gətirilərək müvafiq tibb müəssisəsinə hospitalizasiya olunub.