Tehranda nəqliyyat məsələləri müzakirə ediləcək

İranın paytaxtı Tehran şəhərində keçiriləcək sayca 4-cü iclasda nəqliyyat bağlantılarının gücləndirilməsi siyasəti müzakirə ediləcək. Avtosfer.az xəbər verir ki, bu barədə Nəqliyyat Nazirliyindən məlumat veriblər. 

“Dekabrın 20-21 tarixlərində Tehran şəhərində BMT-nin Asiya və Sakit Okean üzrə İqtisadi və Sosial Komissiyası (UNESCAP) və İranım Yol və Şəhərsalma Nazirliyinin birgə təşkilatçılığı ilə UNESCAP-ın "Nəqliyyat bağlantılarının gücləndirilməsi siyasəti barədə dialoq" mövzusunda 4-cü regional iclası keçiriləcək”, - deyə nazirlikdən deyilib. 

Nazirlikdən həmçinin bildirilib ki, iclas zamanı subregional bağlantıların gücləndirilməsinin potensial imkanları və çağırışlar, bağlantıların möhkəmləndirilməsi istiqamətində təcrübə mübadiləsi məsələləri müzakirə ediləcək, davamlı nəqliyyatın inkişaf etdirilməsi istiqamətində iştirakçı dövlətlərin məruzələri dinləniləcək və bu istiqamətdə regional çərçivədə tövsiyələr təqdim ediləcək.