Türk vətəndaşı Azərbaycan yanğınsöndürənlərinə sovqat vermək üçün yola çıxdı - VİDEO

Türkiyəni ağuşuna alan yanğınları söndürmək üçün Azərbaycandan göndərilən yanğınsöndürən maşınları və canlı qüvvə Türkiyədə böyük sevinclə qarşılanmağa davam edir. Türk qardaşlarımız sosial mediada hər gün minnətdarlıqlarını bildirən videolar paylaşır.

Avtosfer.az bildirir ki, komvoy şəklində yolda hərəkətdə olan yanğınsödürən maşınlarımızı izləyən türk vətəndaşlarından biri özü hazırladığı ayranı onlara vermək üçün yolun kənarına çıxıb. Yanğınsöndürənlərdən birinin maşını saxlayıb onun ayranını alması izləyənləri sevindirib. Türk vətəndaşı bu hərəkətilə köməyə gələrək onların ürəyini sakitləşdirən Azərbaycan yanğınsöndürənlərinin içini də öz ayranı ilə sərinləşdirməyə çalışıb. Əslində bu cür görüntülər bizlərə yad deyil. 44  günlük müharibə dövründə insanlarımız əsgərlərə yardım göndərmək üçün də eynilə bu cür yollara çıxırdı. 

Dünyanın belə çətin zamanında insanoğlu varoluşunu yalnız bu cür əl-ələ verərək davam etdirə bilər. 

Aysel