“VAZ-21074”-dən aksiz markasız 104 araq çıxdı - FOTO

Azərbaycan gömrükçüləri 100-dən çox araq müsadirə edib. Avtosfer.az xəbər verir ki, bu barədə Dövlət Gömrük Komitəsinin Mətbuat xidmətindən verilən məlumata görə, Gəncə Gömrük İdarəsinin gömrük hüquqpozmalarına qarşı mübarizə şöbəsinin əməkdaşları tərəfindən şəhər ərazisində keçirilən əməliyyat tədbirləri zamanı Azərbaycan vətəndaşı, Göygöl rayon sakini Arzu Həsənovun idarə etdiyi “VAZ-21074” markalı nəqliyyat vasitəsində Azərbaycan Respublikasının aksiz markası ilə markalanmayan 104 ədəd 1 litrlik şüşə qablarda "Vodka Nemiroff" adlı araqlar aşkar olunub.