Xəstəxanalarda qorxunc vəziyyət: Sağ olan xəstələrdən orqanların çıxarılması halları artıb

ABŞ-də donor olmağa razılıq vermiş sağ xəstələrdən orqanların çıxarılması hallarının sayı artıb. Avtosfer.az-ın Oxu.az-a istinadən xəbərinə görə, bu barədə "The New York Times" (NYT) məlumat verib. Nəşrin müəlliflərinin qeyd etdiyi kimi, xəstələr orqanların vaxtından əvvəl və ya uğursuz şəkildə çıxarılmasına cəhd halları ilə üzləşirlər. Qohumların razılığı olduğu təqdirdə, həkimlər xəstəni həyati dəstək sistemlərindən ayırırlar və ürəyin bir-iki saat ərzində dayanmasını gözləyirlər, bundan sonra orqanları çıxarmağa başlayırlar. Ancaq bəzi xəstələr əməliyyat otağında olduqları zaman həyat əlamətləri göstərməyə başlayırlar. "Bu cür hadisələr transplantasiya sisteminin qan dövranı dayandıqdan sonra orqanın donor kimi çıxarılması növünə getdikcə daha çox müraciət etdiyi bir zamanda ortaya çıxır. Keçən il bu cür hadisələrin payına bütün donor orqanların üçdəbiri düşüb ki, bu da təxminən 20 000 hal təşkil edir və beş il əvvəlkindən üç dəfə çoxdur", - deyə nəşr yazıb.