Xırdalanda əsaslı təmir olunmuş küçə yenidən qazıldı - FOTO

Xırdalan şəhəri Mehdi Hüseynzadə küçəsində asfalt örtüyü yenidən qazılıb. Avtosfer.az xəbər verir ki, Xırdalan şəhərində su və kanalizasiya xətləri dəyişdirildikdən sonra Mehdi Hüseynzadə küçəsinə keyfiyyətsiz asfalt örtüyü çəkildi. Bir neçə aydan sonra çəkilmiş asfalt örtüyü dağılmağa başladı və bununla yanaşı su və kanalizasiya xətlərində yaranmış problemə görə asfalt örtüyü bir neçə dəfə qazıldı.

İşlər tam yekunlaşdıqdan sonra küçənin təmir gedən ərazisi və çökmüş hissələri Azərbaycan Avtomobil Yolları Dövlət Agentliyi tərəfindən əsaslı şəkildə təmir edildi. Lakin çox keçmədi ki, yeni çəkilmiş asfalt örtüyü və piyada səkiləri dağıdıdılaraq təmir işinə başlanıldı.

Beləliklə bu küçədə davamlı olaraq təmir və qazıntı işləri aparılmaqla büdcəyə xeyli ziyan vurulur, sakinlərin isə narazılığına səbəb olur.

Fərid