Yanacaqdoldurma məntəqəsinin inanılmaz fırıldağı - VİDEO

Əksər sürücülərin şikayətləndiyi yanacaq fırıldağı ilə bağlı növbəti fakt ortaya çıxıb. Avtosfer.az atv.az-a istinadən xəbər verir ki, bu dəfə də aldadan yanacaqdoldurma məntəqəsi, aldadılan isə sürücü olub. Bu dəfəki aldadılma faktı 2014-cü il istehsalı olan “Grand Santa-Fe” markalı avtomobilin sürücüsünün başına gəlib. Belə ki, yanacaqdoldurma məntəqəsində avtomobilin maksimum tutduğu yanacaq çənindən artıq yanacaq vurulub. Sual oluna bilər ki, buna necə ola bilər? Bu fakt baş verib, 71 litr yanacaq çəni olan avtomobilə 73 litr benzin vurulub.

Avtomobilin texniki göstəricilərində də aydın qeyd olunub ki, avtomobilin yanacaq çəni 71 litrdir. Sürücüyə verilən qəbzdə 73 litr yanacaq vurulması qeyd olunub. Qəribə məqam odur ki, avtomobil yanacaqdoldurma məntəqəsinə gedəndə çəndə ən azı bir neçə litr yanacaq olmaqla bərabər, yanacaq vurulandan sonra da çənin tam dolmadığı üzə çıxıb. Avtomobil təmiri ilə məşğul olanlar deyir ki, hansısa avtomobilə çənin miqdarından artıq yanacaq vurulması mümkün deyil.