Yasamaldakı qəzada maşınlara dəyən zərəri kim ödəməlidir? – EKSPERTDƏN AÇIQLAMA

Yasamalda baş verən zəncirvari qəzada zərər dəymiş avtomobillərlə bağlı həm onların sahiblərini, həm də vətəndaşları maraqlandıran məsələlər var. Bunlardan biri də avtomobil sahiblərinə dəymiş ziyanın kim tərəfindən qarşılanmasıdır.
Məsələ ilə bağlı mütəxəssislərə müraciət etdik. Sığorta eksperti Vüsal Bədəlov Avtosfer.az-a açıqlamasında deyib ki, hadisənin nasazlıq və sürücü səriştəsizliyi səbəbindən baş verməsinə baxmayaraq, avtonəqliyyat vasitələrinin mülki mənsubiyyəti üzrə icbari sığortasına bütün hallarda təminat verilir.

“Qaydalarda qeyd edilir ki, belə hallar idarəetmə zamanı baş verdikdə qarşı tərəfə dəymiş zərər ödənilməlidir. Hər bir halda, həmin nəqliyyat vasitəsi əraziyə darə edilərək gətirilib. İstənilən səbəbdən baş verməyinə baxmayaraq, bu məsuliyyət sığortası olaraq qeydə alınır. Bir hadisə üçün avtomobillərə dəymiş zərərə görə sığorta agentlikləri tərəfindən maksimum 5000 manat ödənilməsi nəzərdə tutulur. Həmin məbləğ ziyan dəymiş avtomobil sahibləri arasında proporsional qaydada dəymiş zərərin faizinə görə hesablanaraq bölüşdürüləcək. Yerdə qalan xərclər isə ya marşrut xəttinin sahibi, ya da avtobusun sürücüsü tərəfindən qarşılanacaq. Bunu qanunvericilik müəyyənləşdirəcək. Çünki hadisədə məsuliyyət daşıyacaq olan tərəf sürücüdür. Belə hallarda sığorta şirkətləri heç bir halda müştərisinə dəymiş zərərə görə imtina etmək hüququ yoxdur. Ayrılacaq məbləğ zərərçəkmişlər arasında bölüşdürülməli, qalan məbləğ isə avtobus sürücüsü, yaxud marşrut xəttinin sahibi tərəfindən sürücülərə ayrı-ayrılıqda ödənilməlidir. İstər sürücü içkili olsun, istərsə sürücülük hüququndan məhrum olmuş şəxs olsun, sığorta agentliyi hesablamalar əsasında bir hadisə üzrə maksimum 5000, sağlamlığa dəymiş zərərə görə isə maksimum 50000 manat ödəməlidir”.
Ekspert sonda onu da vurğulayıb ki, sığorta agentliyi özünün reqres hüququndan istifadə edərək sürücünün əvəzinə ödəyəcəyi məbləği ondan geri ala bilər.
Səfər
Dövlət qulluğu imtahanı ilə bağlı nələr dəyişəcək? – RƏSMİ AÇIQLAMA
Güclü yağışlardan sonra sürüşmə təhlükəsi: Riskli ərazilərə kim nəzarət etməlidir? - AÇIQLAMA
2026-cı ilin 9 ayında büdcədə yaranan profisiti növbəti ilin kəsrinə yatırmaq olar? - RƏY
Magistralların kəsişdiyi nöqtə: Xırdalan dairəsində niyə tıxac yaranır? – ARAŞDIRMA
Prezident Hanoyda “İnqilab şəhidləri” abidəsini ziyarət etdi - FOTOLAR
Tıxac olan yolların SİYAHISI
İlham Əliyevin Vyetnama rəsmi səfəri ilə bağlı VİDEOÇARX - VİDEO
İndiyədək neçə avtomobil utilizasiyaya verilib? - AÇIQLAMA
İlham Əliyev Vyetnama rəsmi səfərə gedib - FOTO
Azərbaycanda 21 yeni peşə məktəbi hansı ərazilərdə tikiləcək? – AÇIQLAMA
Bakıda avtobuslar üçün yeni svetofor sistemi: Nə dəyişəcək? – AÇIQLAMA












