Yaşayış massivində üfunət yayan zibillik ərazi təmizləndi - RƏSMİ - FOTO - YENİLƏNİB

Paytaxtın Sabunçu rayonu, “Albalılıq 1” massivində yaşayan sakinlər ərazidəki zibillikdən şikayətçidir.

Avtosfer.az-a müraciət edən sakinlər deyir ki, sözügedən ərazidə ətrafa səpələnmiş zibil torbaları və üfunət antisanitar vəziyyət yaratmaqla yanaşı, ərazini xəstəlik mənbəyinə çevirir. 
Sakinlərin sözlərinə görə, xoşagəlməz mənzərəyə səbəb ərazi üçün ayrılmış zibil konteynerlərinin az olması və vaxtında daşınmamasıdır. Çıxılmaz vəziyyətdə qalan vətəndaşlar zibil qalaqlarını yandırmaqda məcburiyyətində qalırlar.

Məsələylə bağlı dəfələrlə aidiyyəti qurumlara şikayət olunsa da müraciətlər cavabsız qalıb. Son çarə kimi, onlar problemin ictimailəşdirilməklə cavabdeh orqanlar tərəfindən köklü həll olumasını istəyirlər.

Sabunçu rayon Kommunal Təsərrüfatı İdarəsindən Avtosfer.az-a verilən məlumata görə, Maştağa qəsəbəsində, Boya zavodunun yaxınlığında yerləşdirilmiş tullantı konteynerlərinin ətrafında nəqliyyat vasitəsindəki texniki nasazlıq səbəbindən əmələ gələn tullantı qalaqlanması təmizlənib və ərazinin sanitar vəziyyəti nəzarətdə saxlanılır.

Nərmin