Yeni dələduzluq növü yayılıb? - Polis XƏBƏRDARLIQ ETDİ

Son günlər yeni dələduzluq növünün yayıldığı bildirilir.

Avtosfer.az xəbər verir ki, vətəndaşlara telefonla zəng olunaraq, "peyvənd olunmusunuzsa, 1 düyməsini seçin", - deyə xahiş edilir.

İddialara görə, telefon dərhal bloklanır.

Məsələ ilə bağlı Daxili işlər Nazirliyinin (DİN) Mətbuat Xidmətinin bölmə rəisi Nurlan Əliyev Oxu.az-a bildirib ki, saxta bildirişdir, hər hansı inzibati əsası yoxdur:

"Ümumiyyətlə belə hal yoxdur, polisə hər hansı məlumat daxil olmayıb. Tövsiyə edirik ki, bu kimi saxta bildirişlər oxunmadan bloklanmalıdır".