Yerasx-Naxçıvan yolu ilyarım vaxt aparacaq - Paşinyan

TRIPP (Beynəlxalq sülh və rifah naminə Tramp marşrutu) layihəsi üzrə işlər 2026-cı ildə başlayacaq. Avtosfer.az "Report"a istinadən xəbər verir ki, bu barədə Ermənistanın Baş naziri Nikol Paşinyan hakim "Vətəndaş müqaviləsi" partiyasının seçkiqabağı proqramını təqdim edərkən bildirib. "Əminəm ki, biz 2026-cı ildə işlərə başlayacağıq. Məncə, ən tez istifadəyə verilən elektrik verilişi xətləri olacaq", - Paşinyan bildirib. O, həmçinin qeyd edib ki, Gümrüdən Türkiyəyə qədər və Yerasx-Naxçıvan (Azərbaycan) dəmir yolu sahələrinin yenidən qurulması bir il - il yarım vaxt aparacaq.