Zəngilanın Cahangirbəyli kəndinə 18,7 milyon ayrıldı - Yol, səki və yaşıllaşdırma …

Zəngilan rayonunun Cahangirbəyli kəndində daxili kommunikasiya (yol, səki və yaşıllaşdırma) işlərinin həyata keçirilməsinə başlanılır.

Avtosfer.az-ın Trend-ə istinadən məlumatına görə, artıq bununla bağlı Cəbrayıl, Qubadlı və Zəngilan rayonlarında Bərpa, Tikinti və İdarəetmə Xidməti hazırlıq işlərini yekunlaşdırıb.

Məlumata görə, kənddə daxili kommunikasiya işləri yaşayış məntəqəsinin yenidən qurulması layihəsi çərçivəsində icra olunacaq.

Qurum sözügedən işlərin icrasını "Protean Construction” Açıq Səhmdar Cəmiyyətinə (ASC) həvalə edib və 18,7 milyon manat dəyərində müqavilə bağlayıb.

Qeyd edək ki, "Protean Construction” Açıq Səhmdar Cəmiyyəti (ASC) 2007-ci ildə dövlət qeydiyyatına alınıb. Nizamnamə kapitalı 160 672 manat olan ASC-nin qanuni təmsilçisi Təhməzov Məhəmməd Ağca oğludur.