Ziya Məmmədov rəsmən işdə - Vətəndaşlarla görüşəcək

Mərkəzi icra hakimiyyəti orqanları rəhbərlərinin şəhər və rayonlarda vətəndaşların qəbulu cədvəlinə uyğun olaraq, nəqliyyat naziri Ziya Məmmədov oktyabrın 23-də Neftçala şəhərində bu bölgədən olan vətəndaşları qəbul edəcək. Avtosfer.az-ın məlumatına görə, Nəqliyyat Nazirliyindən Azərtac-a bildirilib ki, qəbul zamanı bölgədə yerləşən rayonların - Salyan, Biləsuvar, Neftçala rayon sakinlərinin mövcud nəqliyyat problemlərinin araşdırılması və həll edilməsi məqsədilə müraciətləri dinləniləcək.

Qəbulda iştirak etmək istəyən vətəndaşlar oktyabrın 21-i saat 09:00-dan 18:00-dək Salyan 20 saylı Yol İstismar İdarəsi (Salyan şəhəri, 20 Yanvar küçəsi-1), Biləsuvar 22 saylı Yol İstismar İdarəsi (Biləsuvar şəhəri, Vaqif küçəsi, 1), Neftçala 39 saylı Yol İstismar İdarəsində (Neftçala şəhəri, 33-cü məhəllə) qəbula yazıla bilərlər.