13 yaşlı uşaq bayram günlərində - Barmağını itirdi... - YENİLƏNİB

Göygöl rayonunda bədbəxt hadisə baş verib.  

Avtosfer.az xəbər verir ki, hadisə martın 22-si saat 22 radələrində qeydə alınıb.  

Üçtəpə kəndi ərazisində Gəncə şəhər sakini 2013-cü il təvəllüdlü Sübhan Xaliq oğlu Bayramovun əlində pirotexniki vasitə partlayıb. Nəticədə onun əlləri əzilərək deşilib və 1 barmağı amputasiya olunub.  

Faktla bağlı araşdırmalar aparılır. 

***

Hadisə ilə bağlı Gəncə Şəhər Birləşmiş Xəstəxanasından “Qafqazinfo”nun sorğusuna cavab olaraq verilən məlumatda bildirilib:

“22.03.2026-cı il tarixində saat 18:00 radələrində 2013-cü il təvəllüdlü şəxs (kişi cinsli) Gəncə Şəhər Birləşmiş Xəstəxanasının nəzdində olan Akademik Z.Məmmədov adına xəstəxananın Təcili tibbi yardım şöbəsinə hospitalizasiya olunub.

Ona əlin açıq yarası diaqnozu təyin olunub. Zəruri tibbi xidmət göstərildikdən sonra vəziyyəti qənaətbəxş qiymətləndirilən pasiyent ambulator müalicə üçün evə buraxılıb”.